Cerkak Bahasa Jawa (Gara-gara Mati Lampu)

Gara-gara Mati Lampu

Ceritane niki teng dalem teng daerah Purwokerto. Dene enten sekeluarga sing kedatengan sedulure saking cilacap. Keluarga niku nduweni kebiasaan sing sae, yaiku solat berjama’ah.

Lah ceritane keluarga niku saweg nglaksanakake jama’ah solat isya, nanging panggonan solate dibagi dados kalih, sebabe panggonan sing biasa ngge solat mboten cekap.

Sing kagungan dalem ( keluargane safri ) teng nggen solat banjur tamune ( keluarga soffa ) teng ruang tamu.

Kedadeane pas kalih keluarga menika saweg nglaksanakaken jama’ah solat isya, ijig-ijig lampune mati sebabe sikringe anjlog, padahal solate dereng rampung, tapi alhamdulillahe sampun tahyat akhir.

Sesampune solat rampung, safri dikongkon bapake ken ngurubna lampu teng ruang tengah teng wekdal sing sami soffa nggih dikongkon bapake ken ngurubna lampu teng ruang tengah.

Nggragap-nggragap akhire lare kalih niku tekan teng ruang tengah, pas pada mbene tekan ijig-ijig safri lan soffa pada njerit “Haaaaaaaaaaaaaaaaaaaa” saking pada wedine lare kalih niku langsung balik lan mlayu sekencang-kencange, eh malah pada nabrak tembok.

Dados tiang sing teng dalem niku pada kaget banjur pada niliki lan sikringe di manjatna, ngerti-ngerti safri lan soffa sampun saweg lenggah nyepengi batuke sing mpun nabrak tembok.

Jebule pas safri ajeng ngurubna lampu, safri ningali soffa sing sami-sami taksih ngangge mukena, safri ngira niku setan dados safri langsung njerit lan soffa nggih sami mawon kalih safri sami-sami kaget.

By: Melva Safriyanti